Cartref Gofal Preswyl Dolwen / Dolwen Residential Care Home

Cartref gofal preswyl 32 ystafell wely yw Dolwen a adeiladwyd yn y 1960au. Mae’n ei chael yn anodd diwallu’r anghenion cymhleth sydd gan ddinasyddion sydd angen gofal preswyl. Pwrpas y prosiect yw darparu eiddo addas i’r diben sy’n fodern a hygyrch ac sydd a digon o le ar gyfer darpariaeth bresennol a darpariaeth yn y dyfodol. Bydd yn defnyddio technoleg ddigidol a Deallusrwydd Artiffisial. Bydd mewn lleoliad da i ddarparu gofal yn nes at adref a diwallu anghenion iechyd a gofal pobl leol gan gynnwys anghenion heb eu diwallu, h.y. darpariaeth i henoed bregus eu meddwl, a chefnogi darpariaeth gwasanaeth yn yr adeilad ei hun ac yn y gymuned leol. Ar hyn o bryd, mae angen rhoi sylw i’r materion canlynol yng nghartref Dolwen - Ystafelloedd bach sy’n cyfyngu ar allu’r darparwr gwasanaeth i ddiwallu anghenion y preswylwyr, er enghraifft, mae ystafelloedd sy’n addas ar gyfer teclynnau codi, ond nid yw hyn yn wir trwy’r cyfleuster i gyd. Mae’r cyfyngiad hwn yn cyfyngu ar bwy ellir darparu llety iddynt, yn dibynnu ar eu hanghenion. - Nid oes gan yr un ystafell en-suite, ac nid ydynt yn cynnig gofod byw digonol, na’r cyfleusterau a ddisgwylir gan safonau modern. - Mae’r darparwr gwasanaeth yn ei chael hi’n anodd diwallu anghenion cymhleth, sy’n golygu nad oes modd darparu llety i gleifion fel yr hoffant. Mae amrywiaeth eang o ffactorau yn dylanwadu ar y cynnig: - cynnydd disgwyliedig ym mhoblogaeth hŷn Sir Ddinbych i 30.9% erbyn 2040; gan gynnwys na fydd y cyfleusterau presennol yn addas ar gyfer anghenion y preswylwyr; gwella darpariaeth gwasanaeth; dod â gwasanaethau’n nes at y gymuned; gwella’r ddarpariaeth bresennol ar gyfer pobl hŷn a’r angen i oresgyn cyfyngiadau fel mynediad, lle a pharcio, a bodloni her a nod Sir Ddinbych i fod yn garbon niwtral erbyn 2030. Mae’r prosiect hwn, a gaiff ei arwain gan Gyngor Sir Ddinbych (CSDd) yn cydweithio â Thai Cymunedol, Cyngor Gwasanaethau Gwirfoddol Sir Ddinbych a Bwrdd Iechyd Prifysgol Betsi Cadwaladr ar brosiect i adolygu datbl